HOXE...UNHA IMAXE VALE MÁIS QUE MIL PALABRAS

LEANDRO LAMAS

AS NOVAS ENTREGAS DO CURSO 2013-2014 (1ª PARTE)

Ola a todos e todas de novo: por aquí vos deixamos a primeira entrega que acabamos de recibir con libros novos para a nosa biblioteca. Botádelle unha ollada que vale a pena!!!

 EL GALEÓN

Zarparon para encontrar a isla do tesouro e, despois de unha travesía chea de aventuras, levaron unha inesperada sorpresa. Un clásico do humor gráfico dos anos 70 que segue facendo rir a pequenos e maiores.

A GUÍA NECSIA

A fronteira entre o real e o imaxinario é a clave deste libro de anécdotas surrealistas, sucesos absurdos, situacións insólitas e misterios insondables. Cantas cousas sorprendentes acontecen no mundo!

 

 

 
GRAZAS

A familia, os amigos, a veciñanza, os profesores e compañeiros da escola... de cantas persoas aprendemos ao longo da nosa nenez! Cómpre recoñecerllo e seguir aprendendo deles.

 

 

 

UN PASEO POLO PARQUE

Mentres Mancha e Carlos xogan no parque cos seus cans, os seus pais ignóranse en cadanseu extremo do banco. Un clásico de 1977 sobre un tema sempre actual: a incomunicación entre os adultos fronte á espontaneidade dos rapaces.

 

  

A HISTORIA DOS BONOBOS CON LENTES

Eles comían, viaxaban e modernizábanse mentres elas recolectaban comida e criaban a prole. Pero os bonobos non aceptaban que as bonobas tamén puideran aprender e evolucionar. O legado das autoras e ilustradoras pioneiras na creación de álbums sobre igualdade e coeducación, aínda vixente.