INAUGURACIÓN OFICIAL DO XVII SALÓN DO LIBRO "CANTA BICHERÍA"

Os animais serán os protagonistas deste 17º Salón do Libro: domésticos, salvaxes, polares, nocturnos, acuáticos. Formigas, osos, cans e paxaros. De todas as partes do mundo, dos ecosistemas coñecidos e por coñecer. Reais, fantásticos!!

Todos eles teñen cabida no noso Salón, que terá lugar no Pazo da Cultura entre o 1 e o 23 de abril de 2016.

Unha vez máis, estades todos/as convidados/as.

Podedes descargar o PROGRAMA COMPLETO AQUÍ

XVI SALÓN DO LIBRO: DA CIENCIA Á FICCIÓN

Da ciencia á ficción” será o título do XVI Salón do libro Infantil e Xuvenil de Pontevedra, que terá lugar do 27 de febreiro al 28 de marzo de 2015 . 

"A ciencia, a lóxica, a explicación racional a feitos incribles: O home na lúa, os robots, a realidade virtual, etc.

As matemáticas, a astronomía, a bioloxía, a física e a química,... esclarecen feitos obxectivos e observables que inspiraron grandes historias de ficción. Historias, que chegaron e chegarán a converterse en realidade grazas á ciencia.

Falamos de ciencia, de ficción, e da delgada liña que as separa.

PICANDO NA IMAXE ACCEDEREDES A WEB

UN CONTIÑO: O NENO E A ESTRELA

Hoxe queremos compartir con todos vos un conto perfecto para ler estos días que homenaxeamos a Xose Mª Díaz Castro.

O neno e a estrela é un conto dirixido aos lectores máis novos. É un conto editado polo colectivo Fabaloba sobre Díaz Castro de pequeno baseado no seu poemario NIMBOS: O NENO E A ESTRELA

O protagonista desta historia é Díaz Castro cando era neno. El é quen atopa unha estrela que caeu do ceo e foi dar a un pozo de auga da súa aldea de Guitiriz. O rapaz é o encargado de devolver a estrela ao seu lugar no universo. Nas ilustracións represéntase un mundo de lusco-fusco, anterior á existencia do sol. 

Podedes lelo premendo na imaxe:

Desexamos que desfrutedes con este conto. 

ACTIVIDADES DÍA DO LIBRO

     Presentámosvos a continuación, unha serie de fotos na que poderedes ver o traballo feito polo alumnado de primaria do noso cole con motivo da celebración do día do libro.

     Levouse a cabo unha actividade especial onde os maiores se xuntaron cos peques para compartir contos:estiveron lendo xuntos e fixeron unhas ilustracións fermosísimas.

  Ademais, en moi pouco tempo, poderase disfrutar na biblioteca do noso cole de un exemplar no que aparecerán todas estas obras.

O noso EDLG levou a cabo esta actividade gracias a axuda e colaboración do Equipo de Biblioteca.

TRABALLANDO O DÍA DO LIBRO...

DÍA DO LIBRO: 23 DE ABRIL

XV SALÓN DO LIBRO 2014 (PONTEVEDRA)

Hoxe Venres día 14 queremos comunicarvos a todos e todas que comeza o XV Salón do Libro Infantil e Xuvenil de Pontevedra.

Nesta edición os creadores preséntannolo así:

     A lume lento, como todo o saboroso. Como as receitas das nosos/as avós/oas, cargadas de historias, de grandes xuntanzas en torno a unha mesa, de tradición. De ingredientes de primeira calidade, sementados con traballo e recollidos con esforzo, cociñados con agarimo. Esa é a fórmula máxica para que o Salón do Libro Infantil e Xuvenil de Pontevedra cumpra 15 edicións, mantendo a súa esencia inicial e cheo de frescura para seguir “Cociñando contos”.

Traballo, ilusión, imaxinación, creatividade, compañerismo, tradición e innovación, participación, compromiso, cariño, coidado e mimo, profesionalidade, implicación, esforzo. Eses son os ingredientes cos que cociñamos esta edición tan especial, na que non pode faltar o máis importante: vós, que do 14 de marzo ao 5 de abril estades convidados a degustar un suculento menú cheo de actividades, contos, espectáculos, obradoiros, presentacións, concertos e moito máis.

NON VOLO PERDADES!!!