8 DE MARXO: DÍA DA MULLER

Os alumnos/as de SEGUNDO A queren compartir con todos vós o traballo que veñen de realizar xunto coa súa titora Olga con motivo da celebración do DÍA DA MULLER (8 de marzo)

AS EXPOSICIÓNS DO OUTONO NO NOSO COLE

Por aquí vos deixamos algunhas das fotos relacionadas coa EXPOSICIÓN DO OUTONO que se ven de realizar no noso centro a cargo do EQUIPO DE ACTIVIDADES COMPLEMENTARIAS...

INFANTIL

PRIMARIA

O DEREITO A GOZAR DA CIENCIA EN GALEGO

Hoxe é... 

 VI DÍA DA CIENCIA EN GALEGO

Por aquí vos deixamos varios accesos a todo tipo de información relacionado con esta celebración.

Desexamos que vos sexa de proveito!

EXPOSICIÓN INTERNACIONAL DE CARTELISMO

Adxuntamos información da 

Exposición Internacional de Cartelismo Terras Gauda – Concurso Francisco Mantecón 

que se celebra ata o próximo 25 de novembro na Estación Marítima de Vigo. 

1.310 carteles de diseñadores gráficos de 59 países participan na Bienal, homenaxe ao artista galego Francisco Mantecón e foro de encontros de novos creadores e correntes artísticas.

A mostra permanece aberta ao público:

Todos os días da semana. En horario de 11 a 14 horas e de 18 a 21 horas.

EXPOSICIÓN PERMANENTE DAS LETRAS GALEGAS ATA FINAIS DE CURSO

Hoxe queremos amosarvos algunhas imaxes nas que poderedes ver a EXPOSICIÓN organizada polo EDLG en colaboración co departamento de Inglés, o Equipo de Biblioteca e o Equipo de Extraescolares na cal o alumnado poderá disfrutar lendo e ollando todas as novidades adquiridas polo centro de cara ao vindeiro curso. Como centro plurilingüe todos os libros están mesturados. Como novidade a EXPOSICIÓN este ano tamén se trasladou ao cooredor inferior para que o alumnado de Infantil tamén poida disfrutar dela.

 

RECURSOS DE AULA PARA TRABALLAR AS LETRAS GALEGAS 2014

Un curso máis, a CGENDL pon á disposición da comunidade escolar unha páxina monográfica que compila recursos e materiais sobre o autor homenaxeado no Día das Letras Galegas, nesta ocasión o poeta e tradutor...

Xosé María DíazCastro

Nela, partíllanse recursos didácticos como actividades para imprimir e en liña, información en diferentes soportes, exposicións, xogos, experiencias en centros, etc. que foron elaborados por docentes, ENDL e outros grupos de traballo dos centros escolares, institucións, asociacións, etc.
Así mesmo, tamén poderedes atopar máis recursos na web de SEMINARIO GALÁN.ORG:

Desexamos que sexa do voso proveito estes recursos.
Ata outra!!!

HOXE... CONTAMOS UN CONTO?

Este mañá de mércores levouse a cabo no noso cole unha nova actividade encadrada no marco da Semana Cultural das Letras Galegas 2014.

Os alumnos e alumnas de quinto e sexto de primaria, na hora de lectura, pasaron polas aulas dos máis pequenos do cole para facerlles unhas sesións de animación á lectura.

A actividade foi un éxito. Aquí poderedes ver algunha foto...

Mañá continuaremos.

Saúdos!

SEMANA CULTURAL LETRAS GALEGAS 2014

Un ano máis dende o EDLG do Ceip plurilingüe de Atios queremos presentarvos a Semana Cultural do noso centro na que temos programadas moreas de actividades para celebrar as Letras Galegas 2014 ano na memoria de Xosé María Díaz Castro.

Deixámosvos por aquí unhas fotos nas que poderedes ver todas as actividades. Ímolo pasar en grande e aprenderemos moitas cousas sobre a vida e obra deste autor.

DÍA DA CIENCIA EN GALEGO

 

Quero aplicar a miña ciencia á lingua para pintar a face do noso maior ben colectivo: o galego

 

 

 

 

     Con motivo da cElebración do IV Día da Ciencia en Galego o vindeiro martes 12 de novembro, a Coordinadora Galega de ENDL convida a todos os centros educativos non universitarios a participar en dúas videoconferencias vía web, na que destacados investigadores galegos da Universidade de Santiago de Compostela achegarán temáticas de interese curricular para o noso alumnado e os proxectos científicos que desenvolven na actualidade. Ademais de seguir a videoconferencia, os centros escolares que desexen participar terán a posibilidade de interaccionar con eles vía chat a través dunha sala virtual de fácil manexo.

 

DÍA DA CIENCIA EN GALEGO

LENDAS QUE TODOS CREN

     Xa vai para preto de un ano que o noso centro e o CEIP da Cruz de Budiño se reuniron para festexar unha xornada de confraternidade entre o alumnado do terceiro ciclo.

     Trátase de proxectos bianuais nos que se establecen dous temas en cada un deles. A misión que tivo o alumnado o ano pasado foi a de recompilar nas casas e na parroquia toda a información posible sobre as lendas que había na zona. O resultado poderedelo comprobar agora mesmo... Desexamos que vos guste. Que recordos!!!

Gracias profes Montse e Víctor!!!

     Este ano estes proxectos seguiron o seu curso e unha vez máis os dous centros tiñan preparado reencontrarse na parroquia de Budiño, e máis concretamente no seu monte FARO, no que ían compartir unha nova xornada de confraternidade sobre a tradición popular galega da nosa zona. O tempo non o permitiu pero o traballo non resultou de balde.

   Outro ano será!!!

A TARTARUGA QUE QUERÍA DURMIR

     Para hoxe queremos deixarvos por aquí un novo contiño en galego. Desexamos que vos guste!

A TARTARUGA QUE QUERÍA DURMIR

XXIV FESTA DO MONTE EN ATIOS

     A xunta de montes de Atios prepárase esta fin de semana para celebrar a XXIV Festa do Monte. Será o vindeiro domingo día 9 a partires das 12h., na Área Recreativa "A Veiguiña". 

     E con tal motivo acaban de organizar un concurso no noso cole sobra A FAUNA E A FLORA da parroquia de Atios.     

     Aquí vos deixamos unha montaxe feita cos traballos presentados polos alumnos/as de terceiro de primaria.
     O xurado está a punto de decidir os gañadores, desexámoslle sorte a todos os participantes.

GALERÍA DE IMAXES NA PÁXINA WEB DO NOSO COLE

     Ola a todos! Deixámosvos por aquí un enlace que vos levará a galería de imaxes da páxina web do noso cole na que poderedes ver fotos de todas as actividades que se realizaron e se están realizando ao longo do curso. Tamén podedes ver as de outros cursos xa pasados.

     Ademais acabamos de habilitar un enlace directo no noso blogue para que poidades acceder dende aquí a esta GALERÍA DE IMAXES. Atópase na columna da dereita no apartado de "Outros sitios para visitar".

http://www.edu.xunta.es/centros/ceipdeatios/galeria/

FELIZ DIA DAS LETRAS GALEGAS!!!

     Dende o Equipo de Dinamización queremos desexarvos un FELIZ DÍA DAS LETRAS GALEGAS 2013!!! Na memoria de Roberto Vidal Bolaño.

     

     Ademáis deixamos tamén por aquí unha montaxe dos trípticos que o Equipo fixo para todo o cole no que podedes descubrir aspectos relevantes sobre a vida e obra do autor que hoxe recordamos.

XIV FESTIVAL INTERNACIONAL DE TÍTERES DE REDONDELA

      Unha boa recomendación para que todos os que poidades pasedes esta fin de semana polo concello de Redondela e disfrutedes dunha nova edición do FESTIVAL INTERNACIONAL DE TÍTERES. Deixámosvos nesta noticia enlaces para que lle botedes un ollo a programación. Vale a pena asistir e a gran maioría das actuacións son de balde! Non volo perdades!!!

A UN MES DO DÍA DAS LETRAS GALEGAS

Dentro dun mes celebramos en Galicia o dia das letras galegas, adicado este ano a Roberto Vidal Bolaño.

A celebración do día das Letras Galegas, cada 17 de Maio, foi instituída no ano 1963 pola Real Academia Galega para conmemorar a publicación do libro de Rosalía de Castro "Cantares Gallegos", un 17 de Maio de 1863 e homenaxear a algún escritor ou escritora en lingua galega.

No noso cole, para ir entrando en materia, montamos unha exposición con axuda dalgúns alumnos e alumnas do centro.

A exposición ten uns carteis sobre o protagonista das letras galegas 2013, para ir coñecendo un pouco máis sobre este promotor do teatro profesional en Galicia e activo defensor dá normalización lingüística.

Ademais de aprender algo sobre o homenaxeado deste ano, podedes ver unha serie de libros que recomendamos dende o equipo de dinamización da lingua galega, libros de nova adquisición que o próximo ano estarán na biblioteca do cole. 

A exposición está montada no primeiro piso e todos estades convidados a vela os martes pola tarde. 
Para os que non teñades a oportunidade de ver a exposición, aquí vos deixamos unha presentación cos carteis sobre Roberto Vidal Bolaño, e estade atentos, porque pronto neste blogue falaremos sobre algún dous contos que expuxemos na mesa de libros.