ASÍ CELEBRAMOS O DÍA DO LIBRO

Aquí vos deixamos un par de collage para que vexades o ben que o pasamos celebrando o día do libro. Como vimos facendo os últimos anos, os maiores axudan aos máis pequenos a ler un libro escollido por eles e facer despois un debuxo sobre el. Verdadeiras obras de arte!!!

23 DE ABRIL - DÍA DO LIBRO

O próximo venres 23 de Abril celebraremos no cole o "DÍA DO LIBRO". Faremos unha actividade especial onde os maiores se xuntarán cos peques para compartir contos, ler xuntos e facer ilustracións fermosísimas. Cando teñamos este traballo recompilado teremos o pracer de compartilo con todos vós.

O LIBRO VIAXEIRO

Hai uns días falamos neste blogue dunha actividade que ía organizar o Concello de O Porriño que se titulaba O LIBRO VIAXEIRO.

O libro recorrería todos os colexios e as escolas infantís do municipio. Constaría de portada e contraportada e de 125 follas en branco nas cales o alumnado deixaría reflexadas as súas impresiones sobre o seu colexio e o concello, a través de textos e debuxos.

A obra resultante trasladaríase logo ás estanterías da biblioteca municipal para que calquer persoa poida visionala.

Pois ben, hoxe esta actividade no noso cole xa é unha realidade. O libro xa pasou polo noso centro, traballouse nel e xa vai de camiño para outro centro.

Deixámosvos por aquí unha montaxe na que poderedes ver o traballo feito polos nosos nenos e nenas:

UN CONTIÑO: O NENO E A ESTRELA

Hoxe queremos compartir con todos vos un conto perfecto para ler estos días que homenaxeamos a Xose Mª Díaz Castro.

O neno e a estrela é un conto dirixido aos lectores máis novos. É un conto editado polo colectivo Fabaloba sobre Díaz Castro de pequeno baseado no seu poemario NIMBOS: O NENO E A ESTRELA

O protagonista desta historia é Díaz Castro cando era neno. El é quen atopa unha estrela que caeu do ceo e foi dar a un pozo de auga da súa aldea de Guitiriz. O rapaz é o encargado de devolver a estrela ao seu lugar no universo. Nas ilustracións represéntase un mundo de lusco-fusco, anterior á existencia do sol. 

Podedes lelo premendo na imaxe:

Desexamos que desfrutedes con este conto. 

OS TRABALLOS DO COLE NO DÍA DO LIBRO

Dende este EDLG e coa colaboración do Equipo de Biblioteca queremos presentarvos hoxe o resultado final dos traballos feitos polos nenos e nenas de primaria na actividade levada a cabo con motivo do DÍA DO LIBRO no noso cole. 

Desexamos que vos guste!!!

Ata outra!!!

CONTACONTOS NO COLE

PINGA TEATRO acaba de visitar o noso cole para facernos unhas sesións de contacontos sobre os libros "Hércules pasea con Gloria Fuertes" e "Hércules e a máquina do tempo".

Deixámosvos por aquí algunhas fotos da actividade que poderedes ver con máis detalles na galería de imaxes do noso cole.

Ata outra!!!

ACTIVIDADES DÍA DO LIBRO

     Presentámosvos a continuación, unha serie de fotos na que poderedes ver o traballo feito polo alumnado de primaria do noso cole con motivo da celebración do día do libro.

     Levouse a cabo unha actividade especial onde os maiores se xuntaron cos peques para compartir contos:estiveron lendo xuntos e fixeron unhas ilustracións fermosísimas.

  Ademais, en moi pouco tempo, poderase disfrutar na biblioteca do noso cole de un exemplar no que aparecerán todas estas obras.

O noso EDLG levou a cabo esta actividade gracias a axuda e colaboración do Equipo de Biblioteca.

TRABALLANDO O DÍA DO LIBRO...

DÍA DO LIBRO: 23 DE ABRIL