O EDLG ENVÍAVOS OS NOSOS MELLORES DESEXOS!!!

XA CHEGA O NADAL!! PRÓSPERO ANO NOVO PARA O QUE ESTÁ POR VIR, QUE CADA DÍA TEÑAMOS RAZÓNS PARA SORRIR

Make your own digital slideshow

UN NADAL MOZO E EN GALEGO. GUÍA DE AGASALLOS PARA A XENTE NOVA

A Secretaría Xeral de Política Lingüística e a Dirección Xeral de Xuventude e Voluntariado revisan por terceiro ano consecutivo un catálogo de propostas para potenciar o uso do galego na mocidade e para favorecer que se agasalle ou que se pidan como agasallos produtos en galego.

Con ela, tamén se quere contribuír a difundir a existencia de produtos na lingua propia de Galicia e poñer en valor o uso do idioma na fabricación de todo tipo de obxectos e no ámbito da empresa.

PICA NA IMAXE E ACCEDERÁS AO CONTIDO

MATERIAIS DIVULGATIVOS

Hoxe facémonos eco de un material que nos acaba de chegar ao EDLG e do cal nos pide que lle deamos difusión.

Unhas guías de lectura e música que agora vos deixamos por aquí para que todos aqueles que o desexedes lle poidades botar unha ollada:

Os Equipos de Normalización e Dinamización súmanse ás iniciativas emprendidas desde os centros escolares para mellorar o hábito lector e traballar a prol da animación á lectura en galego. A transmisión do noso patrimonio cultural é un dos obxectivos que caracterizan o noso traballo común

CONCERTOS E ACTIVIDADES NAS VACACIONS

A cantar con María Fumaça

A coñecida Uxía convidará as familias e a súa xente miúda a subir no tren da música para festexar o Nadal cantando e bailando en galego. Nun concerto exclusivo de Nadal en Rede percorrerá 14 localidades galegas acompañada de Santi Cribeiro e de Sérgio Tannus, da súa famosa María Fumaça e dun amplo e divertido repertorio no que combinará as pezas do Xiqui xoque, fiú fiú con panxoliñas e con outras músicas tradicionais propias deste tempo. Para non perder!

Decembro:

Domingo 14: Fene, no Círculo Cultural Recreativo e Deportivo de Perlío, ás 13:00 horas

Domingo 14: Ordes, na Casa da Cultura, ás 18:00 horas

Venres 19: Burela, no auditorio da Casa da Cultura, ás 17:30 horas

Domingo 21: Vilaboa, na Casa da Cultura Río Maior, ás12:00 horas

Domingo 21: Lalín, no Salón Teatro, ás 18:30 horas

Martes 23: Oleiros, no auditorio da Fábrica, ás 19:00 horas

Venres 26: Boiro, na Casa da Cultura Ramón Martínez López, ás 20:00 horas

Sábado 27: O Barco de Valdeorras, no Teatro Municipal Lauro Olmo, ás 20:00 horas

Domingo 28: Ribeira, no Auditorio Municipal, ás 12:30 horas

Domingo 28: A Estrada, no Teatro Principal, ás 18:00 horas

Martes 30: Melide, na Casa da Cultura, ás 20:30 horas

Xaneiro:

Venres 2: Ames, na Casa da Cultura do Milladoiro, ás 18:00 horas

Sábado 3: Bueu, no Centro Social do Mar, ás 18:30 horas

Domingo 4: Verín, na Casa da Cultura, ás 18:00 horas

CANTIGAS DA ESTRELA

Magín Blanco animará a xente miúda da casa a seguir o ronsel das estrelas para gozar do Nadal coas músicas máis coñecidas de Gatuxo e da A nena e o grilo, nun concerto moi especial que integra vilancicos inéditos do músico e compositor. Acompañarano María Faltri e Jorge Juncal nunha xira que fará parada en 19 localidades da Rede de Dinamización Lingüística coa colaboración da Deputación Provincial da Coruña en concellos da súa competencial territorial. Imprescindible para celebrar este Nadal cantando en galego.

Decembro:

Venres 12: Cee, no Salón de Actos do Concello, ás 18:00 horas

Domingo 14: Palas de Rei, no Salón de Plenos do Concello, ás 17:30 horas

Martes 16: Cangas, no Auditorio Municipal, ás 18:00 horas

Venres 19: Muxía, no salón de actos do Edificio de Servizos Múltiples, ás 18:30 horas

Sábado 20: Redondela, no Multiúsos da Xunqueira (sala I de exposicións), ás 12:00 horas

Martes 23: Ferrol, na Capela do Centro Cultural Torrente Ballester, ás 18:30 horas

Mércores 24: O Carballiño, no Auditorio Municipal, ás 12:00 horas

Venres 26: Betanzos, no Cine Alfonseti, ás 17:30 horas

Sábado 27: Arteixo, no Auditorio Municipal, ás 12:00 horas

Domingo 28: Santiago de Compostela, na Sala Mozart do Auditorio de Galicia, ás 12:30 horas

Luns 29: Val do Dubra, na Casa da Cultura, ás 12:30 horas

Luns 29: Ponteceso, no Museo de Arte Contemporánea de Corme, ás 18:00 horas

Martes 30: Pontedeume, na Casa da Cultura, ás 12:30 horas

Martes 30: Viveiro, no Teatro Pastor Díaz, ás 18:00 horas

Xaneiro:

Venres 2: Carnota, no Salón de Actos do Concello, ás 12:00 horas

Venres 2: Teo, no Centro Sociocultural da Ramallosa, ás 18:00 horas

Sábado 3: O Porriño, no Círculo Recreativo e Cultural do Porriño, ás 12:00 horas

Domingo 4: Ourense, no Auditorio Municipal, ás 12:00 horas

Domingo 4: A Pobra do Caramiñal (en colaboración coa Mancomunidade de Municipios Arousa Zona Norte), na Praza do Emigrante (baixo carpa), ás 18:30 horas

ESPANTALLO AMIGO

Nadal en Rede levará a sete localidades da Rede de Dinamización Lingüística unha nova adaptación teatral de Espantallo amigo, de Xosé Neira Vilas, que chega da man dos Quinquilláns, nunha revisión na que Lucho Penabade e Tero Rodríguez continúan a historia orixinal contada polos adultos que lle deron vida á trama orixinal da novela neiraviliana. Nunha proposta escénica deseñada por Xosé Vizoso, a actividade ofrécelle como complemento ao público asistente unha reedición especial ilustrada por Xaquín Marín (Editorial Galaxia). A partir dos sete anos.

Decembro:

Sábado 13: Ourense, no Liceo, ás 19:00 horas

Martes 23: Santiago de Compostela, na Sala Mozart do Auditorio de Galicia, ás 17:30 horas

Sábado 27, Ribeira, no Auditorio Municipal, ás 19:00 horas

Domingo 28: Xinzo de Limia, no Auditorio Ángel Cocho Ferrero, ás 18:00 horas

Martes 30: Ferrol, na Capela do Centro Cultural Torrente Ballester, ás 18:30 horas

Xaneiro:

Venres 2: A Estrada, no Teatro Principal, ás 18:00 horas

Domingo 4: A Coruña, no Centro Sociocultural Ágora, ás 18:30 horas

FELICIANO

Os 7 magníficos + 1 (os televisivos Fran Rei e Pedro Brandariz) agasallarannos cunha boa dose de risas e de alegría para despedir o ano 2014 e darlle a benvida ao 2015. Porque o Nadal non é só cousa de nenos, velaquí unha proposta para público de todas as idades que percorrerá Galicia cunha serie de pequenas pezas humorísticas e que nos fará contemplar as festas de Nadal cunha mirada desenfadada. A Deputación Provincial da Coruña, membro da Rede de Dinamización Lingüística, colabora nesta actividade exclusiva de Nadal en Rede levándoa a concellos do seu ámbito territorial.

Decembro:

Venres 12: Carral, no Centro Social Toñito Espiñeira, ás 20:30 horas

Domingo 14: Carballedo, no Slaón de Actos do Concello, ás 19:00 horas

Mércores 17: Trazo, no Centro Social Polivalente (en colaboración coa Mancomunidade de Municipios da Comarca de Ordes), ás 17:15 horas

Xoves 18: Zas, no Auditorio de Baio, ás 19:30 horas

Domingo 21: Cuntis, na Casa da Cultura, ás 19:00 horas

Luns 22: Barbadás, na Casa da Cultura, ás 19:00 horas

Mércores 23: Miño, no centro Social da Rúa, ás 20:00 horas

Venres 26: Neda, na Casa da Cultura, ás 20:30 horas

Sábado 27: Fisterra, no Salón de Actos do Concello, ás 20:00 horas

Domingo 28: Laxe, no Salón de Actos do Concello, ás 19:00 horas

Luns 29: Negreira, no Auditorio Municipal, ás 19:00 horas

Martes 30: Cabana de Bergantiños, no Auditorio Municipal, ás 19:00 horas

Xaneiro:

Venres 2: Santa Comba, na Vivenda Comunitaria, ás 20:30 horas

Sábado 3: Castro de Rei, na Casa da Cultura de Castro de Ribeiras de Lea, ás 17:00 horas

Sábado 3: O Saviñao, no Auditorio Municipal, (en colaboración co Consorcio de Turismo da Ribeira Sacra), ás 21:00 horas

Domingo 4: Xinzo de Limia, na Casa da Cultura, ás 18:00 horas

Luns 5: A Bola, no Local Social, ás 16:00 horas

Martes 6: Fundación Eduardo Pondal (Ponteceso), na Casa dos Veciños do Couto, ás 18:00 horas

TARABELOS ACTÚA NO NOSO COLE

Un ano máis dende o EDLG queremos contar coa participación da compañía de teatro TARABELOS no noso centro e así vai acontecer. 

Será mañá, martes día 16, no salón de actos do cole, para todo o alumnado e profesorado a partires das 12:15 da mañá.

Preparádevos para disfrutar unha vez máis desta espectacular compañía coa representación de....

O LIBRO DOS REIS MAGOS

Para que os Reis Magos, que chegan a Galicia cansos da súa viaxe e sen tempo para preparar unha alocución, poidan dirixirse aos nenos e nenas en galego, a Rede de Dinamización Lingüística preparou este libro de fermosos discursos redactados por 25 escritoras que se poden ler tal cal ou adaptarse ao gusto de cadaquén. 

O Libro dos Reis Magos, que podedes ver a continuación, foi enviado a todos os concellos da Rede.

PICADE NA IMAXE 

E ACCEDEREDES AO CONTIDO

AS CANCIÓNS DO NADAL

Deixámosvos por aquí unha recompilación de cantigas e panxoliñas recollidas pola Coordinadora galega de equipos de normalización e dinamización lingüística.

Disfrutade moito con elas!!!

O APALPADOR

Deixámosvos por aquí estes enlaces a unha páxina web moi interesante que acabamos de atopar na rede. Nela atoparedes moita información sobre O APALPADOR, este personaxe típico do Nadal galego que quere chegar a todos nós dende a Serra do Courel.

Desexamos que aprendades moito sobre este personaxe!!!

“…As fazulas coloradas

e moi grandes zapatóns,

carrexando sempre un saco,

aí vén o Apalpadoooor…”

“…Camiñando paseniño

miro en todos os recunchos,

buscando os agasallos

que me agardan nalgún punto…”

Fragmentos da canción O Apalpador de Paco Nogueiras,incluída no libro-disco “Brinca Vai!”

[Preme na ilustración para ver o videoclip]