ALTO ALTO COMO UNHA MONTAÑA

Hoxe querémonos facer eco de unha noticia, que atopou o noso EDLG navegando pola rede. 
ALTO ALTO COMO UNA MONTAÑA trátase de un blogue no que o obxectivo principal é abordar o autismo co sensibilidade.

A piques de celebrarse o día da concienciación mundial para o autismo, o próximo día 2, destacamos unha noticia que publican no día de hoxe:

Con motivo del Día de la Concienciación Mundial para el Autismo, presentamos un nuevo capítulo del proyecto audiovisual “A canción de Manuel”

Este año dedicamos “O oito” a todas las familias que reciben un diagnóstico de Trastorno del Espectro del Autismo e intentamos desmitificar falsas creencias porque necesitamos que la sociedad tenga la certeza de que las personas con TEA se comunican, sienten, quieren, prefieren, disfrutan y aprenden.

“O oito” muestra la cara positiva que todas las personas que convivimos con el autismo consideramos el motor para seguir escalando esta montaña.

A CANCIÓN DE MANUEL III. O OITO

PICADE NO ENLACE OU NA FOTO

 E ACCEDEREDES Á NOTICIA

Este é o terceiro capítulo deste proxecto feito polos pais de Manuel, os dous mestres, así que aquí vos deixamos enlaces aos anteriores vídeos, por si non os coñecíades: 

A CANCIÓN DE MANUEL I

A CANCIÓN DE MANUEL II: ALÍ ESTAREI

COÑECE - COMPRENDE - DIFUNDE

Oxalá se lle de moita difusión para sensibilizar, non so a toda a comunidade educativa, senon á sociedade en xeral.

TÍRALLE DA LINGUA

   O proxecto Tíralle da Lingua, está dirixido ao alumnado e profesorado de todo o país, co obxectivo de normalizar o uso oral da nosa lingua, converter o idioma en instrumento de comunicación normal, de creación e recreación de historias... de lingua de uso do noso sistema educativo, en definitiva, de devolverlle ao galego o espazo que lle corresponde.

   É importante a fase previa de dinamización nos centros, animando ao alumnado a participar. A fase final do concurso terá lugar o día 24 de abril no IES Rosalía de Castro de Santiago de Compostela.

   A AS-PG oferta aos dez primeiros centros que se inscriban, unha sesión de creación ou recreación oral con algún contacontos profesional.

Agardamos que sexa do voso interese, un saúdo!

SEGUIMOS COAS NOVAS ADQUISICIÓNS DA BIBLIOTECA

     Presentámosvos os novos libros que nos chegaron á Biblioteca para o vindeiro curso. Lembrade que haberá unha exposición na Semana das Letras Galegas para poder velos todos con máis calma:

ADELAIDA

Malia ser diferente a outros canguros, as súas ás serven para máis que voar: perseguir os seus soños e vivir emocionantes aventuras. Un álbum sobre a autoestima, a superación e a busca da felicidade.

CARTA DE LAS ISLAS BALADAR

La codicia de quenes controlan o poder na capital do Grande Continente ameaza a vida pacífica dos habitantes dun archipélago paradisíaco para explotar as súas riquezas naturais. Un clásico dos anos 50 moi actual; metáfora crítica contra a dominación e en defensa da liberdade.

INVENTARIO DAS ÁRBORES

Fondosas, coníferas, palmeiras. Árbores de todo o mundo nun compendio interdisciplinar que abranque aspectos científicos, ecolóxicos e simbólicos, con ilustracións de estilo naturalista.

NA COCIÑA DE NOITE

"Nós forneamos para ti mentres ti durmes": Un recordo da niñez que, a través dun relato onírico, converteuse nun álbum de referencia en todo o mundo, superando mesmo a censura do puritanismo. 2014, o ano Sendak de Kalandraka.

O GALEGO NAS NOVAS TECNOLOXÍAS

Hoxe queremos facer referencia e compartir con todas e todos vós un apartado de recursos que pón a nosa disposición a SXPL que se titula:

O GALEGO NAS NOVAS TECNOLOXÍAS

Botádelle unha ollada porque vale a pena.

O BOSQUE DAS FANTASÍAS

Un recurso da rede con contidos de moita calidade que hoxe queremos compartir. 

PINCHADE NA IMAXE PARA ACCEDER A ELES

ACTIVIDADES PARA O EDI (ENCERADO DIXITAL INTERACTIVO)

Compartimos hoxe un espazo da rede moi interesante creado polos nosos compañeiros e compañeiras do CEIP Ría de Vigo.

Un recurso no que atoparedes moreas de actividades para traballar nos encerados dixitais interactivos que temos no noso centro.

A pasalo ben aprendendo!!!

ENLACE ÁS ACTIVIDADES

A NOVA FICHA DE CADERNO VERDE

    Aquí tedes a nova ficha de Caderno Verde, á vosa disposición tamén no seguinte enlace:

CADERNO VERDE

FICHA PARA IMPRIMIR

      Oriéntase á área de música e ao alumnado do segundo ciclo de primaria.

    Tal e como podedes comprobar, os nosos amigos de Vilaverde están a fabricar instrumentos musicais (guitarras, xilófonos, baterías, ….) con materiais de refugallo (caixas de cartón, botellas de auga baleiras, latas, caldeiros vellos, botes de deterxente, …). Deste xeito, e sen custe engadido, xa poden poñer en marcha o seu propio grupo de rock.

Agardamos que vos guste!

PEQUECHOS DE TIRÁN

Hoxe deixámosvos por aquí un blogue moi interesante: 

(SE PICADES NA IMAXE ACCEDEREDES AO BLOGUE)

Noraboa aos creadores deste blogue, a todos os profes de Tirán e a todos os pequechos por este fermoso traballo. Seguirémosvos moi de preto. Ata outra!

ACTIVIDADES NA REDE

Deixámosvos hoxe por aquí un blogue moi interesante con actividades e recursos para disfrutar en rede.

PICA NA IMAXE PARA ACCEDER AO BLOGUE

XV SALÓN DO LIBRO 2014 (PONTEVEDRA)

Hoxe Venres día 14 queremos comunicarvos a todos e todas que comeza o XV Salón do Libro Infantil e Xuvenil de Pontevedra.

Nesta edición os creadores preséntannolo así:

     A lume lento, como todo o saboroso. Como as receitas das nosos/as avós/oas, cargadas de historias, de grandes xuntanzas en torno a unha mesa, de tradición. De ingredientes de primeira calidade, sementados con traballo e recollidos con esforzo, cociñados con agarimo. Esa é a fórmula máxica para que o Salón do Libro Infantil e Xuvenil de Pontevedra cumpra 15 edicións, mantendo a súa esencia inicial e cheo de frescura para seguir “Cociñando contos”.

Traballo, ilusión, imaxinación, creatividade, compañerismo, tradición e innovación, participación, compromiso, cariño, coidado e mimo, profesionalidade, implicación, esforzo. Eses son os ingredientes cos que cociñamos esta edición tan especial, na que non pode faltar o máis importante: vós, que do 14 de marzo ao 5 de abril estades convidados a degustar un suculento menú cheo de actividades, contos, espectáculos, obradoiros, presentacións, concertos e moito máis.

NON VOLO PERDADES!!!

TODOS SOMOS CAPITÁNS

  Hoxe queremos compartir convosco este vídeo que atopamos na rede e que os seus creadores nos piden que o compartamos con todos e todas vós.

    TODOS SOMOS CAPITANS é un vídeo en lingua de signos pertencenten ao proxecto de Magín Blanco. Trátase de un video clip RECOMENDADO PARA A INFANCIA extraído do libro de contos con música "A NENA E O GRILO NUN BARQUIÑO" do autor xa citado.

RECURSOS PARA TRABALLAR A SEMANA DA PRENSA

Por aquí vos queremos deixar hoxe algunhas entradas para traballar ao longo desta semana:

SE PICADES NAS IMAXES ACCEDEREDES AOS RECURSOS

Desexamos que sexan do voso interese.

E como non, un enlace a unha web moi interesante que traballa sobre esta temática.

A PRENSA DA VOZ DE GALICIA

SEMANA DA PRENSA

   Como cada ano, durante toda unha semana de marzo (nesta ocasión, dende o 10 ata o 15) celebramos na escola a SEMANA DA PRENSA.

PICA NA IMAXE PARA IR AO ENLACE

     Esta conmemoración é festexada na maioría de centros escolares polo que, este equipo e dende este blogue, queremos facilitar a busca de recursos; así, compartirémolos con todos e todas por se vos resultan interesantes.

  Para comezar, aquí vos amosamos un vídeo onde poderemos descubrir cales son os medios de comunicación. Desexamos que vos guste e descubrades moitas novas.

HOXE CELEBRAMOS...

8 DE MARZO 

DÍA INTERNACIONAL DA MULLER