Un curso máis, a CGENDL pon á disposición da comunidade escolar unha páxina monográfica que compila recursos e materiais sobre o autor homenaxeado no Día das Letras Galegas, nesta ocasión o polifacético escritor Manuel María Fernández Teixeiro
Mostrando entradas con la etiqueta PÁXINAS INTERESANTES. Mostrar todas las entradas
Mostrando entradas con la etiqueta PÁXINAS INTERESANTES. Mostrar todas las entradas
29/3/16
ARREDOR DE MANUEL MARÍA
Hoxe dende este EDLG queremos promocionar unha páxina web moi interesante da que acabamos de recibir información...
Un blogue - páxina web elaborado e coordinado polo EDNLG do CPI Luís Díaz Moreno. Un traballo moi interesante ao que dende este centro lle damos a nosa noraboa e que vos convidamos a que vos adentredes neste material que xira arredor da figura de MANUEL MARÍA autor homenaxeado este ano nas Letras Galegas.
18/2/16
O BIGOTE DE MIMÍ
Co obxectivo de favorecer todo o posíbel que este ano das Letras Galegas dedicado a Manuel María se traballe durante todo o curso escolar arredor da súa obra, a Casa-Museo Manuel María estamos a ofrecer desde hai varios meses toda unha serie de novos recursos didácticos dirixidos a potenciar ese traballo complementar nas aulas: o máis recente, unha unidade didáctica sobre a obra O bigote de Mimí elaborada por dúas mestras e un mestre do CEIP Galán de Oseiro (Arteixo).
12/2/16
PRIMEIRAS ADQUISICIÓNS DO ANO PARA A BIBLIOTECA
El poder de la imaginación y su capacidad transformadora de la realidad son los elementos que utilizan Rosie y sus amigos para reinventarse cada día. Jugar a ser otro, diluirse en diferentes máscaras para hacer de la vida un lugar emocionante.
Ni el perro, ni el gato, ni el canario, ni los peces son ya la mascota ideal, sino un orondo rinoceronte, cuya presencia en el hogar aportaría múltiples ventajas (y algunos inconvenientes que el autor pasa por alto con generosa indulgencia).
Ía ser unha festa, pero os amigos de Coello fixéronse ideas moi distintas e estrafalarias sobre aquela sorpresa. Humor e rumor nunha historia que se presta a xogar.
Un clásico de 1936 referente do pacifismo a nivel mundial e a prol do naturalismo; censurado por uns, encomiado por outros e premiado.
9/2/16
LETRAS GALEGAS 2016: MANUEL MARÍA
Presentámosvos a páxina web CASA MUSEO MANUEL MARÍA
A Casa Museo é o espazo no que se alberga o conxunto do legado de Manuel María e, ao mesmo tempo, a sede da Fundación. Foi inaugurada o día 7 de setembro de 2013. Está concibida como un espazo físicopara acoller a biblioteca, manuscritos, obxectos persoais ou calquera outro feito relacionado con Manuel María e que serva, ademais, como lugar de referencia para dar a coñecer a súa obra e figura entre o pobo galego, e en especial entre as novas xeracións.
18/12/15
ÚLTIMAS ADQUISICIÓNS DESTE ANO PARA A NOSA BIBLIOTECA!!!
Este artefacto mecánico con forma de cetáceo e habitado por uns curiosos personaxes, garda no seu interior máis dun cento de divertidas historias. Observa con atención e atrévete a imaxinar!
(Formato acordeón)
Outra volta sobre un clásico entrañable da Literatura Infantil e Xuvenil galega, con poemas -musicados, algúns deles- que evocan os campos, o bulir da fauna dos bosques e dos ríos, e a vida cotiá da infancia no medio rural.
Aspirante a ser "o neno máis listo", Melchor terá que demostrar os seus coñecementos sobre os pés. Un libro dentro doutro libro con sorprendentes descubertas sobre esta parte tan importante -e pouco coñecida- do noso corpo.
Daniel tivo a boa, ou mala sorte, de ter nacido un 29 de febreiro. Apodado Bisesto na escola, terá que empregar todo o seu enxeño para superar unha chea de situacións inauditas, complexas e mesmo perigosas.
16/11/15
ADQUISICIÓNS DO EDLG PARA A BIBLIOTECA
O valor da solidariedade, o afán de superación e a procura da felicidade inmaterial están presentes no VIII Premio Internacional Compostela de Álbum Ilustrado, unha obra de intenso colorido e orixinal composición.
A súa complexidade morfolóxica, a súa utilidade no ciclo da natureza, a notable abundancia de especies... Todo o que precisamos saber sobre os insectos, nun fermoso libro evocador dos antigos cadernos de campo.
11/11/15
APPS PARA MÓVILES
No PORTAL DAS PALABRAS (unha iniciativa da RAG e a Fundación Barrié) atopamos este material tan interesante:
9/11/15
DOUS XOGOS MUSICAIS
Compartimos hoxe con vós dous xogos musicais que atopamos na páxina O PORTAL DAS PALABRAS. Desexamos que vos gusten e que pasedes un anaco de tempo agradable:
Escolle na listaxe de palabras a que se corresponde co obxecto que aparece na fotografía. Tes dez imaxes e quince segundos para cada unha.
Escolle na listaxe de palabras a que se corresponde co obxecto que aparece na fotografía. Tes dez imaxes e quince segundos para cada unha.
4/11/15
O DEREITO A GOZAR DA CIENCIA EN GALEGO
Hoxe é...
Por aquí vos deixamos varios accesos a todo tipo de información relacionado con esta celebración.
Desexamos que vos sexa de proveito!
2/11/15
PRÓXIMO DÍA DA CIENCIA EN GALEGO
Con motivo da celebración do VI Día da Ciencia en Galego o vindeiro mércores 4 de novembro, a Coordinadora Galega de ENDL convida a todos os centros educativos non universitarios a participar nunha videoconferencia vía web, na que un investigador galego da Universidade de Santiago de Compostela achegará temáticas de interese curricular para o noso alumnado e os proxectos científicos que desenvolve na actualidade. Ademais de seguir a videoconferencia, os centros escolares que desexen participar terán a posibilidade de interaccionar con eles vía chat a través dunha sala virtual de fácil manexo.
26/10/15
A BIBLIOTECA ESCOLAR: BASE DE EXPLORACIÓNS!
Queremos transmitir a información recibida polos nosos compañeiros da Editorial Kalandraka:
Unha selección de obras editadas por Kalandraka que responden á temática escollida este ano dende Bibliotecas Escolares:
“A biblioteca escolar: base de exploracións”
Nela atoparedes obras de información, de utilidade investigar sobre o mundo real, pero tamén álbumes que vos transportarán a lugares imaxinados e que mesmo vos convidarán a reflexionar sobre o verdadeiro sentido de viaxar.
Un feixe de historias que agardamos axuden aos máis cativos a explorar o mundo e a compartir o aprendido.
21/10/15
NON BOTES O LIXO NO MAR
Queremos compartir con vós este vídeo que a SXPL nos acaba de facer chegar. Colaboraron máis de 150 rapaces e rapazas para dar a coñecer e previr o grave prexuízo que causan os residuos no medio mariño:
12/10/15
OS AXÓUXERES
A Secretaría Xeral de Política Lingüística pon en marcha unha nova edición do seu programa de dinamización lingüística para familias con bebés e nenos/as de 0 a 6 anos. Trátase dunha iniciativa de promoción da transmisión interxeracional da lingua galega que, por medio da música, do xogo e das palabras, busca favorecer a incorporación do idioma nas familias novas e ofrecerlles unha proposta de lecer en galego na que se inclúen novos materiais e propostas que permitirán darlle continuidade á actividade no fogar.
7/10/15
28/9/15
HOXE PRESENTÁMOSVOS...!!!
Hoxe queremos compartir con todxs unha páxina web moi interesante que atopamos navegando pola rede e que dende o EDLG cremos moi importante compartila e darlle difusión.
Noraboa aos seus creadores!
Desexamos que vos guste!
27/2/15
XVI SALÓN DO LIBRO: DA CIENCIA Á FICCIÓN
Da ciencia á ficción” será o título do XVI Salón do libro Infantil e Xuvenil de Pontevedra, que terá lugar do 27 de febreiro al 28 de marzo de 2015 .
"A ciencia, a lóxica, a explicación racional a feitos incribles: O home na lúa, os robots, a realidade virtual, etc.
As matemáticas, a astronomía, a bioloxía, a física e a química,... esclarecen feitos obxectivos e observables que inspiraron grandes historias de ficción. Historias, que chegaron e chegarán a converterse en realidade grazas á ciencia.
Falamos de ciencia, de ficción, e da delgada liña que as separa.
PICANDO NA IMAXE ACCEDEREDES A WEB
19/2/15
XOGOS EN GALEGO
O Xocas é labrego, e tamen é galego, polo que irremediablemente implica que ten vacas. Ademais o Xocas como moitos miles de labregos galegos adicase á venda de leite, do mesmo xeito que fixera o seu pai e mailo seu abó, o certo é que el non lembra outra cousa na súa casa, dende ben pequeno acorda levar o pote de leite á estrada para que pasaran da fabrica a recollelo, daquela eran os caldeiros de lata, e os camiños sen asfaltar, e no verán enchianse de pó os caldeiros por fora cando ia vento.
Ó Xocas hoxe en dia non lle chega o traballo que poida aportar el mesmo (que é moito), senon que precisa duns papeliños que lle din o número de litros que pode vender. Isto non seria problematico se ditos papeliños lle deixaran producir os litros necesarios para levar adiante a súa explotación gandeira, pero iso por desgracia non é asi.
Axuda ó Xocas a atrapar os papeliños que acrediten a súa cota leiteira, cando vexas voando o papel da cota pola foto do Xocas e as súas vacas, apunta enriba dela coa frecha do teu rato e preme o boton esquerdo nese intre, tes que ser moi rapido, xa que a cota é dificil de atrapar, hai moi pouca é fuxe coma un lostrego. Xocas precisa 5 papeis de cota lactea para ir sobrevivindo.
4/2/15
NOVO EXEMPLAR DE OLLOS DE AULA
Picando na imaxe accederedes a un novo número de OLLOS DE AULA, o primeiro deste ano 2015.
18/12/14
UN NADAL MOZO E EN GALEGO. GUÍA DE AGASALLOS PARA A XENTE NOVA
A Secretaría Xeral de Política Lingüística e a Dirección Xeral de Xuventude e Voluntariado revisan por terceiro ano consecutivo un catálogo de propostas para potenciar o uso do galego na mocidade e para favorecer que se agasalle ou que se pidan como agasallos produtos en galego.
Con ela, tamén se quere contribuír a difundir a existencia de produtos na lingua propia de Galicia e poñer en valor o uso do idioma na fabricación de todo tipo de obxectos e no ámbito da empresa.
PICA NA IMAXE E ACCEDERÁS AO CONTIDO
Suscribirse a:
Entradas (Atom)