BRINCA VAI!!!

Doce cancións para doce meses, na escola e mais no fogar: a natureza, a amizade, as nosas festas, os libros... cantando e bailando ritmos contemporáneos de xeito lúdico. Con divertidos videos musicais e contidos adicionais na web: BRINCA VAI

“Brinca vai!” É un camiño cheo de pasos grandes, pasos pequeniños, de carreiras e chimpos, de risas, de bailes, de notas , melodías, e sobre todo de xogos. De xogar a pensar … Por que non? De abrir os brazos e os ollos e realmente crer que hai un xeito diferente de facer as cousas.

Paco Nogueiras

Eleva a paisaxe cotiá, a escola, a casa, a biblioteca, á categoría de escenarios e faino sen alterar  o que lles é propio: a sinxeleza e a proximidade…

(Juana Vázquez. Mestra, coordinadora dunha biblioteca escolar).

Deixádevos levar entre as diversas apariencias que tén a lectura. Gozade vendo, escoitando ou cantando…

(Manuel Cortés. Escritor, autor e membro de Chévere Teatro).

“BRINCA VAI!” chega aos lectores e lectoras da man de Kalandraka que suma o seu traballo ao dos autores para dar forma a esta proposta chea de amor e respecto pola nosa lingua e pola nosa cultura. 

Podedes descargar a reseña aquí.